Waayuhu Wuxuu I Baray…

– Waxaa uu waayuhu I baray in dadka kuwa iigu waxyeelka badani ay yihiin kuwa aan kalsoonidayda oo dhan siiyey.

– Waxa uu waayuhu I baray in shay kastaaba ku bilowdo yari dabadeedna koro (Weynaado) Masiibadu se ay ku bilaabanto weyni kadibna ay yaraato, sidaa awgeed marka ay masiibo dhacdo ay tahay in aan u sabro inta ay yaraanayso.

– Waxa aan bartay in damiirku uu yahay Qof igu lammaan oo mar kasta oo aan gef ku kacayo ii sheego in cidi I arkayso.

– Waxa aan bartay in mar walba aanay qasab ahayn in aan guulaysto, laakiin ay qasab tahay in aan mar kasta ku fikiro sidii aan u guulaysan lahaa.

– Waxa aan ogaadey in qofka uu dakhligiisu yahay Malyuunka Shilin aanu Kun jeer ka shaqo badnayn ka dakhligiisu yahay Kun Shilin ee sirtu ay tahay sida maskaxda looga shaqaysiiyo uun.

– Waxa aan ogaaday in Oorida fiicani ay tahay ta quruxda ku beerta Qalbiga ninkeeda.

– Waxa uu waayuhu I baray, in ceebtu aanay ahayn in aan meel sare ka soo dhaco, balse ay tahay in aan fanan kari waayo.

– Waxa aan ogaaday in haddii uu qofku waayo mabda’ uu dartii u dhinto in aanu helayn wax uu dartii u noolaadana.

– Waxa uu waayuhu I baray in ay ceeb tahay in dhagax qudha aan laba jeer kuwada turaanturoodo.

– Waxa aan bartay in dadku ay illaabayaan dhaqsaha aad hawl ku fuliso, balse ay weligood xasuusnaanayaan waxa aad qabatay, markaasaan iska dhaafay degdegga, xooggana saaray sidii aan hawsha u qaban lahaa sida ugu quruxda badan muddaba ha qaadato ee.

– Waxa aan bartay in hadyad yar oo aan la filaynin in aan bixiyaa ay ka qiimo badan tahay hadyad aad u weyn oo qofka aan siinayaa sii og yahay.

– Waxa uu waayuhu I baray, in aanan isku hallayn saaxiib aan lacag siistay, waayo waxa iman doonta maalin uu iibsado mid iga lacag badani.

– Waxa uu waayuhu I baray, in haddii aan isku dayo in aan wax kasta erey ka idhaahdo, ay dadku nici doonaan dhegeysigayga.

– Waxa uu waayuhu I baray, in mar kasta oo dadka I xaasidayaa bato ay astaan u tahay in ay sii bateen guulaha aan gaadhay iyo horumar aan ku socdo.

– Waxa uu waayuhu I baray, in qofka inta badan naftiisa uun ka sheekeeyaa yahay qof aan kalsooni badan ku qabin naftiisa.

– Waxa uu waayuhu I baray, in aan haddii aan doonayo saaxiibtinimo waartay ay qasab igu tahay in aan diyaarsado xabaal mar walba afka kala haysa, si aan ugu aaso qaladaadka saaxiibbaday.

– Waxa uu waayuhu I baray, in qofka ceebahayga u adkaystaa aan u aqoonsado in uu yahay sayidkayga/madaxdayda, xitaa haddii uu yahay shaqaalahayga.

– Waxa uu waayuhu I baray, in sacabka oo aan tumaa ay tahay sida ugu fiican ee aan hadalka kaga dhex geli karo ama kaga joojin karo qofka hadlaya aniga oo aan ka cadhaysiin.

– Waxa uu waayuhu I baray, in jacaylku yahay gol-jilicda/boogta ugu weyn ee uu ninku yeesho.

Diyaariye: Kamaal Marjaan