Daryeel Magazine
1. Si kastoo aad u xoog badan tahay, Naftaada uma xambaari doontid Qabriga!!
2. Si kastoo aad u qurux badan tahay, xayawaanka kuwooda u foolxun sida gorillas iyo baboon xitaa Dalxiislayaal bay soo jiitaan
3. Si kastoo aad u dheertahay, Marnaba ma arki kartid Beri
4. Si kastoo aad Taajir u tahay, Gawaari badana u leedahay, Had & jeer waad u lugeynaysaa suuliga
5. Si kastoo aad Dhalashadaada ugu dabaal-degto, dhanka kale, waxaa soo dhowaanaya dhimashadaadi! Sanad ayaa cimrigaagi ka sii go’ay!
6. Si kastoo fursad wacan & waqtigoo ku saaciday kuu cajabiyaan dadkana aad ku tumato, Hubaal mar aadan tabar hayn baad talada heli doontaa.
7. Si kastoo aad Jirkaaga u cadeyso, una iftiimiso had & jeer waxaad mugdiga u baahanaysaa iftiin.
8. Si kastoo aad isaga dhaadhiciso asxaab shidan qosol & farxad la qaado, ogsoonow markaad ooyayso xitaa ilinta ma jecla inay kula joogto, way kaa soo qubaneysaa.
Inta yar aad Noloshan gaaban ku nooshahay, u soco si tartiib ah, u noolow si fudud, Samee Wanaag, Rabigaa ka baq, U shaqeyso daarta dambe.
W/Q: Farax Cawaash Beeldaaje
