Daryeel Magazine
Daraasad ay sameeyeen culimo Australian ah oo qaadatay mudo gaadhaysa 12 todobaad ayaa tijaabi ahaan loogu sameeyey 50 of oo qaba dhiig kar (high blood pressure) .
Daraasadan oo lagu soo qoray shabakada la yidhaahdo ‘scientific journal Maturitas’ ayaa waxa ay sheegtay in toon tu tahay mid lagaga hortagi karo kor u kaca cadaadiska dhiiga (high blood pressure) .
Culumadan Australian ka ayaa waxa ay ku tijaabiyeen qayb kamid ah dadkii bukaanka ahaa si ay u arkaan bal in wax yabaahan toon ta laga sameeyay ay caawinayaan bukaanka cadaadiska dhiigiisa aadka u sareeyo iyo in kale kasakow daawaynta caadiga ah.
Tijaabadan kadib ayaa culumada waxa ay sheegtay in kooxdii lasiiyay kiniinkii laga soo saaray wax yaabihii laga sameeyay toonta ay hoos u dhigtay kor u kaca cadaadiska dhiiga.
Toon ta ayaa mar hore la arkay in ay hoos u dhigto cholesterol ka oo ah maado sababta in jidhka ay ku badato baruurtu dabadeedna ay xidho halbowlayaasha dhiiga iyo cadaadiska dhiiga.
Waxa sido kale mudo aad u fog la aaminsanaa in toontu wax tar aad u wayn u leedahay wadnaha.
