Daryeel Magazine
Ugu horrayn qof waliba oo nagamid ah waa in uu isku dayaa bishaan Ramadaan in uu sameeyo dadaal kabadan dadaalkii uu sameeyay ramadaankii tagay.
1- Iskuday in aad iska yarayso amaba aad joojiso waxyaabaha maaweelada ah ee qofka mashquuliya, haday ahaan lahayd wax aad ku cayaarto, amaba wax aad daawato, amaba wax aad dhagaysataba.
2- Waa in aad isku daydaa in aad wax ka xifdiso (qaybto) Qur’aanka kariimka ah intii aad awoodo islamarkaana waa in aad u samaysataa jadwal waqtiyaysan oo aad raacdo.
3- Hadii aad tahay ruux Qur’aanka xifdisan waa in aad isku daydaa in aad wax ka barato Tafsiirka Qur’aanka Kariimka intii aad awoodo.
4- Wax ka baro ducooyinkii Nabiga ( CSW ) uu ku ducaysan jiray iyo Tasbiixdii uu aqrisan jiray.
5-Noqo qof firfircoon oo umada u adeega ( caawiya) qaasatan reerkaaga, waa in aad isku daydaa in aad ka qayb qaadato howsha guriga iyo tan dibadaba.
6- Ha badsan raashinka xiliga afurka waayo waxay sabab u noqon kartaa salaada taraawiixda in aad ka caajisto, sidoo kale haka seexan suxuurta waayo barako ayaa ku jirta suxuurta.
Ugu dambayntii Allah (SW ) hanaga dhigo kuwa ka faa’iidaysta bishan barakaysan.
