Daryeel Magazine
QOF HAN YARI MA HANAQAADO
Hanku waa hubka ugu culus ee qofka aadanaha ahi leeyahay. Sidoo kale, hanku waa baalasha aadanuhu ku duulo. Gabyaagii waynaa ee Axmed Showqi baa laga hayaa in uu yidhi: Shimbiruhu waxay ku duulaan baalashooda, aadanuhuna wuxu ku duulaa hankiisa.
Qofka hankiisa inta uu le’eeg yahay na waxa lagu gartaa hadba waxa uu raacdaynayo inta uu le’eeg yahay. Ibn Qayyim, AHUN, baa laga sheegaa inuu yidhi: Caamadu waxay tidhaahdaa qiimaha qofku waa waxa uu ku wanaagsan yahay qabashadiisa, dadka nukhbada (elite) ahina waxay yidhaahdaan qiimaha qofku waa waxa uu raacdaynayo ama hiigsanayo.
Taa macnaheedu waxa weeye, adigu waxaad tahay hadba inta uu le’eeg yahay waxa aad hiigsanayso. Haduu wayn yahay waxa aad hiigsanayso waxaad tahay qof wayn, hadduu yaryahayna qof yar.
Hankaaga sare u qaad adigoo kaashanaya la jaal noqoshada saaxiibbada hanka sare leh iyo akhrinta taariikh-nololeedka dadkii dunida wax ku soo kordhiyay.
W/Q: Mubarak Hadi
