Qaababka Ugu Haboon Ee Huruuda Loogu Adeegsado Qurxinta Jirka

Huruuda waxaa loo adeegsada qurxinta jirka, taas oo aad looga isticmaalo wadankeena, waxay maqaar siisaa dhalaal dabiici ah, waxay daweysaa findoobka iyo nabarada wajiga ka soo baxo.

Huruudda waxaa ku jira maadooyinka awoodda ee liddiga ku ah lurka, sunta iyo bakteeriyada kuwaas oo ilaaliya caafimaadka maqaarka. Huruudu waxa ay la dagaallanta dhaawaca fallaaraha qorraxdu ay gaarsiiyaan maqaarka.

Hadaba maanta waxaan idin la wadaagayaa hababka ugu fiican ee loogu adeegsado qurxinta maqaarka.

Huruud iyo malab:

Huruuddu waxay nuurisaa maqaarka, malabkuna waxa uu qooyaa maqaarka.

Waxaa loo baahan yahay:

Qaadada yar ee shaaha barkeed oo huruud ah
Hal qaaddo malab ah (qaadada yar ee shaaha)

Habka isticmaalka:

Malabka baaquli ku shub
Ku dar huruudda budada ah si fiicanna iskugu qas
Mari isku-darkan wajigaaga oo dhan
U daa muddo 10 illaa 15 daqiiqo ah
Biyo diirran kaga mayr

Huruud iyo xabka ukunta

Ukunta qeybta cad waxaa ku jira barootiinno iyo asiidhada “amino” kuwaas oo qooya maqaarka islamarkaana wanaajiya awood jiidmasho ee maqaarka (elasticity) taas oo maqaarka ka dhigaysa mid dhalinyaro.

Waxaa loo baahan yahay:

1 qaado oo huruud ah
1 xabbo oo xabka ukunta ah

Habka isticmaalka

Kala saar qeybta cad iyo qeybta huruudda ah ee ukunta. Qeybta cad ku shub baaquli
Ku dar huruudda, si fiicanna iskugu qad
Mari wajigaaga oo dhan
U daa 20 daqiiqo
Kaga mayr biyo diirran

Huruud, yoghurt iyo saliid qumbe:

Caanuhu la faadhiisiyay ee loo yaqaanno “yoghurt” waxa ay maqaarka ka qaadaan unugyada dhintay iyo wasakhda waxayna yareeyaan laalaabka iyo calaamadaha kale ee gabowga.

Waxaa loo baahan yahay:

3 qaaddo oo huruud ah (qaadada yar ee shaaha)
1 qaado oo caanaha la fadhiisiyay ah
1 qaado oo malab saafi ah
1 qaado oo saliid qumbe ah

Hab isticmaalka:

Ku shub caanaha yoghurt-ka baaquli
Ku dar saliida qumbaha iyo malabka oo isku qas
Ugu dambeyntii ku dar huruudda
Mayr wajigaaga oo qallaji
Mari isku-darkaan wajiga iyo qoorta
U daa 10 illaa 15 daqiiqo si uu ugu qallalo
Marka uu qallalo si tartiib ah u daliig wajigaaga
Ka biyo raaci

Huruud, dacar iyo liin dhanaan:

liin dhanaantu waxay maqaarka ka baab’isaa haaraha, waxay u kordhiisaa dhalaal, unugyada dhintay ayay ka qaaddaa, waxayna yareysaa laalaabyada maqaarka.

Waxaa loo baahan yahay:

1 Qaaddo oo huruud ah (qaadada yar ee shaaha)
1 qaado jeelka dacarta ah
1 qaado oo biyaha liin dhanaanta ah

Habka isticmaalka

Ku shub jeelka dacarta baaquli
Ku dar biyaha liinta iyo huruudda si fiicanna iskugu qas alaabtaan illaa ay ka noqdaan cajiin jilicsan.
Mari isku-darkan wajiga
U daa 10 daqiiqo
Kaga mayr biyo diirran

Huruud iyo caano:

Caanuhu waxa ay maqaarka jirka ka qaadaan qolofta, unugyada dhintay iyo wasakhda. Waxaa intaas dheer, aashitada “lactic” ee ku jirta caanaha waxay dib u dhigtaa gabowga maqaarka.

Waxaa loo baahan yahay: