Daryeel Magazine
Nin baa hadda ka hor wuxu ku fikiray siduu lacag badan u heli lahaa, wuxuu furtay goob lagu xanaaneeyo xawaaynka duurjoogta ah sida libaaxa, shabeelka, waraabaha, maroodiga iwm.
Wuu sameeyay goobtii kadib albaab weyn oo laga soo galo ayuu u sameeyay lacagta lagu gelayana wuxuu ka dhigay $300.
Qof soo gala waa la waayay kadib $150 ayuu ka dhigay. Haddana wax soo ag istaaga wuu waayay illaa uga dambeyntii uu ka dhigay in bilaash lagu soo daawado qeybta libaaxa.
Kadib maxaa dhacay? Dadkii ayaa ku soo jabay oo soo buuxdhaafiyay xaruntii. Baabuur weyn oo shabaqle ayuu ku yiri dadkii fuula illaa 200 qof ayaa fuulay kadib wuxuu dhex geeyay meeshii libaaxa ku xirnaa. Intii baabuurkii ka soo degay ayuu albaabka laga baxo quful weyn ku dhuftay kadibna ku soo fasaxay libaaxii,
Buuq oohin iyo cabaad ayaa dadkii ka dhamaaday, kadib ayuu ku yiri qofkii $500 heysta ayaan ka furayaa illaa qof walbaa uu bixiyay lacagtii.
CASHARKA SHEEKADA: Markaad nolosha ku dhex socoto, iska jir dalabyada rakhiiska ah ama bilaashka ah, waxay noqon karaan kuwo laga cabsado oo dhib kuu keena. Ma jiro ganacsi bilaash ah.
W/Q: Siciid Xagaa afrax.
Injineerka dabiiciga ah.
