Daryeel Magazine
Dr. Turan Karadenize oo ah professor barre ka ah kuliyada beeraha ee jaamacada Turkish Ordu University ayaa sheegay in hal miraha kiwi ga ah oo miisaankeedu yahay inta u dhaxaysa 50 ilaa 60 gram, ay dhici karto in ay daboolaan dhamaan baahiyaha jirka dadka waaweyn ee vitamin C ga maalintii.
Dr. Karadeniz ayaa waxa uu ku taliyay in la cuno ugu yaraan hal miraha kiwi ga ah maalintii,waxana uu tilmaamay in hal miraha kiwi ay dhiganto 1 kilo gram oo liinta orange ta ah oo iyadu hodan ku ah vitamin C ga.
Dr. Turan ayaa waxa uu intaa ku daray oo uu yiri “Jirka bini’aadamka ma masoo saaro vitamin C kolkaa waxa uu ku qasban yahay in uu dibadda ka helo, “Sidaasi daraadeed waxaan ku talin lahaa in la cuno hal miraha kiwi ga ah ee hodanka ku ah vitamin C ga maalintii”.
Karadeniz ayaa waxa uu tilmaamay in miraha Kiwi ga ay ku jiraan vitamin da K iyo E marka lagu daro vitamin C isagoo farta ku fiiqay in miraha kiwi ga ah ay wax ku ool u yihiin hoos u dhigida dhiig karka iyo baruurta (cholesterol) ka.
Xigasho: Anatolia
