Daryeel Magazine
Iyadoo aan loo eegeyn xirfaddaada aqooneed ama heerka aad ka joogto, had iyo jeer waxaa jira wx badan oo aad kororsan karto. Waa geddaas oo kale noloshaada shakhqsi ahaan. Iyadoo aan loo eegeyn waayo-aragnimada aad leedahay ama kala duwanaanshahaaga bulshada bulshada kugu xeeran hadana waxaa jira waxyaalo aadan aqoon Cilmi-baaristu waxa ay furtaa waxa aan la aqoon, waxayna kuu oggolaaneysaa inaad adduunka ka sahmiso adigoo ka eegaya dhinacyo kala duduwan, waxayna shidaal u tahay fahamka qotada dheer. Meelaha qaarkood, cilmi-baaristu waxa ay lamahuraan u tahay guusha. Meelo kale na , gebi ahaanba lagama maarmaan maaha , laakiin waxay leedahay faa’iidooyin badan.
Halkaan waxaa ah 10 sababood oo ay cilmi-baaristu muhiim u tahay:
1. Cilmi-baaristu waxa ay balaadhisaa asaaska aqooneed
Sababta ugu cad ee cilmibaaris loo sameeyo waa in aad mowduuca aad baarayso wax badan ka baran doontid. Had iyo jeer waxaa jira waxyaalo badan oo laga barto mawduuca aad baareyso xitaa haddii aad horay aqoon ugu lahayd. Haddii aadan ahayn, cilmi-baaristu waxa ay kuu sahleysaa in aad ku dhisto waaya-aragnimaada qofeed ee aad u leedahay maaddada. Habka cilmi-baaristu waxaa uu furaa fursado cusub oo barasho iyo koritaan.
2. Cilmi-baaristu waxa ay ku siisaa xogtii ugu danbeysey
Cilmi-baaristu waxa ay kugu dhiirrigelisaa inaad hesho xogtii (macluumaadkii) ugu danbeysey ee la heli karo.
Meelaha qaarkood, gaar ahaan kuwa sayniska, had iyo jeer waxa jira macluumaad cusub iyo daahfuryo la sameeyo. Joogitaanka cusboonaysiintu waxa ay kaa horjoogsataa in aad dib uga dhacdo oo aad bixiso macluumaad aan sax ahayn ama aan tilmaan toos ah ka bixinayn sawirka guud. Macluumaadka ugu danbeeya, waxaa si fiican ugu qalabaysnaan doontaa inaad ka hadasho mowduuc gaar ah oo aad ku dul dhisto fikradaha.
3. Cilmi-baaristu waxa ay kaa caawineysaa in aad ogaato waxa aad qawadsan tahay
Tartan ayaad la kulmi doontaa markaad ganacsi ku jirto. Baadhitaankaaga dadka kula tartamaaya iyo waxa ay damacsan yihiin waxa ay kaa caawinayaan inaad dejiso qorshayaashaada iyo istaraajiyadahaaga. Waxaad fahmaysaa waxyaabaha goonida kuu ah. Noocyada kale ee cilmi-baarista, sida daawada, baadhitaankaaga waxaa laga yaabaa in uu aqoonsado xanuunnada, kala saaro astaamaha, uu la yimaado habab lagula tacaalo. Xitaa haddii uusan cadowgaagu ahayn qof dhab ah ama tartanku dhab ka yahay, had iyo jeer waxaa jira xoogag kaasoo hor jeeda ama dhibka ay cil-mibaaristu kaa caawineyso in aad la tacaasho.
4. Cilmi-baaristu waxay dhistaa kalsoonidaada:
Dadku Waxa ay si dhab ah u qaadan doonaan waxa aad oraneyso, markii ay hadalkaaga ka garan karaan inaad qof wax badan og tahay. samaynta cilmi-baaristu asaas adag ayey u tahay dhismaha afkaartaada iyo aragtiyahaaga. Si kalsooniyi ku jirto ayaad uga hadli kartaa waxa aad u garaneyso in ay sax yihiin. Markii aad samayso cilmi-baaris, aad ayey ugu adagtahay qof kasta in uu qof hadalkaaga ka helo goldaloolo. Ila muhiim ah waa in ay diiradda saartaa cilmi-baaristaadu. Haddii cilmi-baaristaadu ay ka koobantahay fekrado ka yimid dad aan waayo arag ahayn, ma noqon doonto mid lagu kalsoonyahay. Markii cilmi-baaristaadu wanaagsantahay, dadku waxa ay siinayaan muhiimad gaar ah.
5. Cilmi-baaristu waxay kaa caawisaa soo koobidda baaxaddaada:
Marka aad ciwaan u qalabqaadatid jeerkii kuugu horraysay waxaa laga yaabaa in aadan hubin meesha aad ka bilaabeyso. Inta badan, baaxadda shaqada ku hortaal waa mid culus. Mar kasta oo aad qoreyso maqaal ama aad qorshe ganacsi dejineyso, waxaa muhiim ah inaad ku soo koobto baaxadda in yar. Cilmi-baaristu waxa ay kaa caawineysaa in aad aqoonsato mowduucyada gaarka ah ama ugu muhiimadda badan. Waxaad dooran kartaa mowduucyada ugu haboon ee gundhig u noqon kara mashruucaaga iyo yoolalkiisa.
6. Cilmi-baaristu waxa ay ku bareysaa garashada wanaagsan
Samaynta cilmi-baarisyo door ah waxa ay kaa caawineysaa inaad kala haadiso xogaha tayadoodu liidato iyo kuwa tayadoodu sarrayso. Cilmi-baarista badan ee aad ka samayso hal ciwaan waxaad ku fiicnaan doontaa in aad kala xukuntid maxaa sax ah, maxaanse ahayn. Waxaa kale oo aad si wanaagsan u ogaan doontaa meelaha usaxan qaab ahaan laakiin u baahan in lagu soo gebagebeeyo hab su’aaleed.
7. Cilmi-baaristu waxa ay kuu soo bandhigtaa fikrado cusub:
Waxaa laga yaabaa inaad horay u haysatey afkaar iyo aragtiyo kusaabsan ciwaanka markaad bilaabeyso baadhitaanka. Markasta oo aad cilmi-baaris badan samayso waa markasta oo afkaar cusubi kugu soo dhacayso. Tani waxa ay kugu dhiirigelineysaa inaad xiisayso fikradaha cusub iyo in aad si qoto dheer u fiiriso fikradahaaga. Waad beddeli kartaa waxa maankaaga ku jira ama ugu yaraan waxaad garwaaqsan sida looga dhigo fikradahaaga kuwa ugu fiican.
8. Cilmi-baaristu waxay caawisaa xillinta masalooyinka:
Haddii ay tahay dhibaato qofeed ama mid xirfadeed waxay kaa caawineysaa inaad banaanka caawimaad u raadsato. Iyada oo ay ku xidhantahay waxa arintu tahay, cilmi-baaristu waxa ay diiradda saareysaa waxa dad kale horay u soo qabteen. Waxaa laga yaabaa inaad u baahantahay xog dheeraad ah, sidaas darteed waxaad samayn kartaa qorshe lagu wajahaayo go’aamona lagu qaadanaayo. Markii aad ogaato inaad ururisay xog wanaagsan, waxaad dareemeysaa kalsooni badan oo la xiriirta xalkaaga mashaakilka.
9. Cilmi-baaristu waxay kaa caawineysaa inaad dadka la xidhiidhto.
Cilm-baarista waxaa loo adeegsadaa in ay caawiso kor u qaadidda wacyiga bulshada sida arrimaha isbeddelka cimilada, midab takoorka, sinnaan la’aanta jinsiga iyo arrimo badan oo kale. Iyadoo aan la helin xaqiiqooyin adag, aad ayey u adagtahay in la cadeeyo isbedelka cimiladu in uu ka sii daraayo ama sinnaan la’aanta jinsigu aysan u hagaagayn xawaarihii loo baahnaa.
Dadweynuhu waxa ay u baahanyihiin in ay si cad u ogaadaan xaqiiqada waxa kasii daraya ama aan koreyn waxa ay dhab ahaan la micna tahay. Cilmi-baaristu sidoo kale waxay rabtaa in laga gudbo xogta ceeriinka ah iyo in lala wadaago sheekooyinka nolosha dhabta ah ee saamaynta qofeed ku leh dadka.
10. Cilmi-baaristu waxa ay dhiirigelisaa xiisaha war-helka
Xiisaha wax walba ogaanta iyo jacaylka waxbarashada aad u haysaa waxay naftaada geynayaan meel sare. Cilmi-baaristu waxa ay kuu fureysaa aragtiyo kala duwan iyo afkaar cusub. Sidoo kale waxay dhistaa xirfado garasho iyo gorfayn. Nidaamka cilmi-baaristu waxa uu abaal-mariyaa xiisa gelinta barashada. Markaad u heellan tahay in aad wax baratid, waxaad had iyo jeer joogtaa goob koritaan. Xiisuhu sidoo kale waxa uu u wanaagsanyahay caafimaadkaaga. Daraasaduhu waxa ay tusayaan in xiisa qabku uu la xiriiro heerarka sare ee waxtarka, ku qanacsanaanta nolosha iyo hoosaynta walaaca.
Waxaa turjumey: Mukhtaar Cabdi Axmed
Waxaa tafaftiray: Madasha Hoobaan
Lifaaqa asalka maqaalka: https://theimportantsite.com/10-reasons-why-research-is-important/
