Daryeel Magazine
Kansarka beerka waa kansar kasoo bilowda unugyada uu beerka ka sameysan yahay ee loo yaqaano hepatocyte. Beerka waa xubin ku yaala qeybta kore ee uurkujirta, wuxuu ka hooseeyaa muraqa kala bara xabadka iyo uurkujirta.
Waxaa jira noocyo kala duwan oo kansar ah kuna dhaca beera. Nooca ugu badan ee dadka ku dhaca beerka waxaa la yiraahdaa Hepatocellular carcinoma, kansar kasoo farcama unugyada shaqada qabta ee beerka ku jira. Waxaa jira noocyo kale oo aan caan aheyn sida intrahepatic cholangiocarcinomaiyo hepatoblastoma.
Kansarada saameeya beerka kuligood ma ahan kuwo kasoo askumay beerka, waxaa jira kansarro kasoo bilowdo xubno kale oo jirka kamid ah kuna faafaa beerka, sida kansar xiidmaha, kansarka sambabaha.
Astaamaha kansarka beerka:
Dadka badankoodu malahan astaamaha iyo calaamadaha. Waa muhiim inaad la kulantid dhaqtar hadii aad isku aragtid astaamaha hoos u qoran.
- Miisaanka oo luma isku day la’aan
- Abataytka oo luma
- Qeybta kore ee uurkujirta oo xanuun laga dareemoLalabo iyo matag
- Awood la’aan iyo daal guud
- Barar caloosha ah
- Maqaarka oo huruud/jaale noqda
- Saxara oo cadaad ama dambas u ekaata
Maxaa sababa kansarka ku dhaca beerka?
Waxaa jira sababayaal la ogyahay iyo kuwa aan la ogeyn, sida infekshanda qaar ee cagaarshoowga waxay sababi karaan kansar beerka ku dhaca.
Kansarka beerku wuxuu imaan karaa marka uu qalad ka dhex dhaco hidda sidayaasha ku jira gudaha unugyada beerka.
Haslista sababi karta xanuunkaan
- Infekshanka raage ee Cagaarshoow B iyo Cagaarshoow C: fayrus yada HBV iyo HCV waxey kordhiyaan halista kansarka beerka
- Cirrhosis: beerka oo boog yeesho waxey soo dedejisaa kansarka beerka
- Sonkoroow: dadka la nool xanuunka sonkoroowga waxey halis ugu jiraan in uu ku dhoco kansarka noocaan ah
- Beer subagga: beerka oo ay ku badan tahay dufinta waa halis kale oo sababi karta kansarkaan
- Suntan Aflatoxins: waa sun ka dhalata cunooyinka aan si wanaagsan loo keydinin, sida galeyda iyo lowska. Suntan waa mid ku badan wadama Afrika.
- Cabidda khamri xad dhaaf ah: khamriga wuxuu dhaawac aan laga noqon karin gaarsiiyaa beerka.
Baaritaanka kansarka beerka
Waxaa jira baaritaano iyo nidaamyo la maro si loo baaro xanuunkaan waxaana ka mid ah:
- Baaritaanka dhiigga: waxaa laga ogaan karaa dheecaanada beerka soo dayaa iney cilladeysan yihiin iyo in kale
- Baaritaanada sawirka: waxaa inta badan la isticmaalaa kombuyuutarada ultrasound, CT iyo MRIIn qeyb laga soo jaro beerka laguna baaro mikarskoob.
Sidee baa loo daweeyaa?
Kansarka beerka waxa lagu daweeyaa qaabab kala duwan, sida in qofka la siiyo dawooyinka kansarka laakin sida ugu fiican waa in la jaro qeybta burada leh hadii burada aysan ku faafin beerka iyo jirka qeybihiisa kala duwan. Arintaan hadii lagu guul dareysto waxaa inta badan la sameeyaa in beerka laga bedelo qofka.
