Daryeel Magazine
Sharaabka la cabo ee soodhaha leh ayaa hadii aad loo badsado (3 xabo ama wax ka badan maalinkaste) cabitaaniisa waxa uu dhibaatooyin badan u leeyahay jidhka binu aadamka iyo waliba cirridkiisa, hadaba dhibaatooyinkan ayaa waxa laga qaada hadii aad si xad dhaaf ah u cabtid sharaabka noocan ah. Iyada oo uu ka kooban yahay sharaabkani curiyayaasha loo yaqaano phosphorus and carbon acids ayaa hadii aad loo badsado waxa uu qofku halis u yahay in dhibaatooyinkan soo socda kala kulmo:
- Ilkaha oo xanuun ku imaado kadib marka uu qodo cirridka isla markaana uu soo saaro jirridooda.
- Wax faaido oo xaga cunnoda ahi kuma jirto.
- Marka uu qofku ka daba cabo cunno kadib waxa uu ka saara meesha dheeftii ay lahayd cunnadaasi.
- Dhiiga oo sonkortu ku badato si dagdag ah.
- Dhibaatooyin badan oo uu u leeyahay qofka macaanka qaba.
- Miisaanka qofka oo siyaada ama kordha.
- Lafaha qofka oo khafiif noqda ama taag dareeya.
- Firfircoonida oo yaraata caajiskuna bato.
- Abiteed la’aan ku timaada qofka badsada, oo isaga oo gaajoonaya uu hadana waxba cuni kari waayo gaar ahaan caruurta iyo dhalinyarada.
- Waxba kama tarto dheefshiidka cunnada sida ay dadka qaar rumaysan yihiin.
- Waxa uu soodhuhu fara galin ku samameeya shaqada ay kalyuhu qabtaan taasi oo sabab u noqota in ay samaysmaan qururux ama dhagaxaan kaadi haysta ku abuurma.
