Daryeel Magazine
Hurdadu waa firfircooni abuur ah oo muhiimad weyn u leh jidhka, waxa aanay kaalin aasaasi ah ka qaadataa fayo qabka dhammaan xubnaha jidhka aadamaha.
Warbixin ay faafisay majaladda Faransiiska ka soo baxda ee Sante Plus, ayaa qoraaga Laurence O uu kaga warramayaa hawlo yaab leh oo uu jidhka bani’aadamku qabto xilliga hurdada, kuwaas oo kaalin muhiim ah ka qaata dhowrista caafimaadka, isla markaana lagama maarmaan u ah caafimaadka wanaagsan.
- Waxa uu nidaamiyaa maskaxda iyo xasuusaha
- Heerkulka jidhka oo hoos u dhaca, waxa aanay dejisaa dhiigkarka,
- Waxa ay habaysaa wanaajisaana isku xidhnaanta habdhiska neerfaha iyo qaybaha jidhka, gaar ahaan maskaxda iyo unugyada neerfeed ee kala duwan. Waxa uu wanaajiyaa dabeecadda iyo degenaanshiyaha qofka.
- Hurdadu waxa ay caawisaa caafimaadka maqaarka: Tijaabo lagu sameeyey dad aan hal habeen oo dhammaystiran seexan ayaa lagu ogaaday hoos u dhac weyn oo ku yimi jileeca iyo dufankii dabiiciga ah ee maqaarka. Sidao oo kale waxaa hoos u dhacay xaddiga dhiigga ku soo dhacaya unugyda wejiga, labadaas arrimood oo khatar ku ah caafimaadka maqaarka.
- Xoojinta habdhiska difaaca: Qoraagu waxa uu caddeeyey in xilliga hurdada ay ungyada jidhku soo daayaan maadadda ‘Cytokine’ oo ah barootiinno ka shaqeeya xoojinta habdhiska difaaca.
–Kamaal Marjaan
