Daryeel Magazine
Diintu Waa Nasteexo
Mahad oo dhan illaahay ayaa ay u sugnaatay swt.nabad gelyo iyo naxariisina Rasuulkeena korkiisa ha ahaato scw. intaa ka dib walaalayaal diintu waa nasteexo
waxaa halkan kusoo gudbin doonaa insha alah kelimaad nasteexo ah .
waana in ka badan kun naseexo marba intii waqtigu inoo saamaxo ayaan soo gudbin doonaa.
1-niyadaada Illaahay u khaas yeel kana digtoonow wixii camala eed qabanayso ama hadal aad odhanayso inaad ku dartid is tusnimo iyo is maqashiin.
2-raac sunada rasuulka scw dhamaan hadalkaaga iyo ficiladaada iyo dhaqanadaada iyo akhlaaqdaada.
3-Cabsida Illaahay badi oo go’aan ka dhigo inaad qabato wixii Illaahay ku amarkay kana fogow wixii Alle kaa nahyiyey.
4-u toobad keen alle swt toobad nasuuxa istiqfaartana fara badi.
5-Illaahay ogow inuu ku arkayo dhamaan dhaqdhaqaagaaga iyo fadhigaaga .
6-u hogaansan axkaamta diinta waayo islaamnimadu waa hogaansan iyo khuduuc umuuraha diintana ha ka dhigin waxaad caqligaaga ka qiyaasato.
7-la fadhiiso culumada jeclow ka faaiidayso ixtiraam caruurtaadana sifadaas ku tarbiyadee waayo culumadu waxay dhaxleen anbiyada.
8-weligaa dhegayso waanada kana faa’iidayso.
9-xaqa aqbal cidii tidhaahdaba ha yaraato ha waynaato kana digtoonow inaad canaado ama iska waynaysiiso.
10-caqiidadaada sax adigoo raacaya kitaabka Alle swt iyo sunada Rasuulka iskana ilaali caqiidad baadilka iyo waxyaabaha lagu gaaloobo.
11-Rumee Illaahay swt malaa’iigta, kutubta ,Rususha, qiyaamada iyo Qadarka Alle swt.
12-Haku dayan cid aanad aqoon caqiidadiisa.
13-Quraanka ha ku fasirin ra’yigaaga laakiin raac sunada saxiixa ah siday u fasirtay iyo culumadu.
14-kutubta cilmiga daalaco iyo barashada cilmiga iyo barista dadka waayo waxaa ugu khayr badan dadka ka wax barta dadkana wax bara ,
15-kaydso oo dhigo gurigaaga kutubta faa’iidada leh kuna akhriso dadkaagana u akhri markaad fursada u haysato.
16-iska ilaali jaraaidka xumaanta qora ama sawira ha akhrisan kuwa neceb diinta.
17-weligaa ahow mid u dheereeya khayrka kana fogaada sharka.
